正確使用隱形眼鏡 #1

正確依從視光師嘅建議，就可以安心佩戴隱形眼鏡，免卻有框眼鏡所帶來嘅束縛。

每日即棄型係隱形眼鏡佩戴嘅最佳模式：除咗免除每日清洗鏡片時嘅繁複程序，亦可以避免因清潔不當所導致嘅衛生問題而影響眼睛健康。 如果所選用嘅係需要清洗嘅鏡片，就必須留意每日徹底清潔同消毒，亦要按指示定期替換。

清洗鏡片時必須「捽鏡」（用手指頭輕捽鏡片兩邊表面嚟去除污洉），亦需按時進行去除蛋白嘅程序。

留意隱形眼鏡護理藥水嘅有效日期，過期或者已開封超過一個月嘅藥水都唔應該繼續使用。